بــنت خالتي و زوجي - كويتيات

السلام عليكم ورحمة الله وبركاته
حابه اكتب لكم قصتي وتكون تجربه انتم تستفيدون منها لأني والله ما ابي اي وحده تنضر


وانا بالجامعه خطبني واحد من جماعتنا استخرت شهرين بعدها عطيت الموافقه بس طلبت زواجي بعد سنه وشروط الزواج
بعد مرور سنه جت ام زوجي وجايبه المهر وتقول بتحديد الزواج لو شفتو طريقة وضعهم للمهر تستغربون ماكو ناس للحين تقدم المهر بهذي الطريقه تخيلو بظرف بنك غضيت النظر وقلت مو مهم الشكليات ... قالت امي لي ان ام زوجج تقول المهر ناقص عن طلب بنتكم والعذر!!! انا هنيه انصعقت المشكله اني اعرفهم ناس مرتاحين مادين وو لدهم مهندس ويمتلك شركه كبيره
رفضت وقلت الزواج مايتم ابسط حقووقي يهدرونها كلمت اخته وقلتلها قالت مايصير خاطرك الا طيب ومن بكره جت امه وجايبه باقي المهر بس هالمره لا ظرف ولا شي جذيه بيدها!!!
المهم ليلة العرس انا تأخرت بصااالون وانا معطيه اخت زوجي عن موعد الزفه يعني ماعلي ملامه المهم
وصلت الصاااله سألو اهلي وين المعرس قالو راح ويقولو خلو اهلها يوصلونها لشقه انا رفضت وان قلبت ليلة عرسي مشااكل ودموووع بعد ضغوط خذاني اخوي وو داني
المهم عدا الشهر الاول بحلوه ومره مع أن المر كان اكثر صرت اشوف وياه 3 نقالات المسن حقه بنات طلعات سهرات
كلمته ماكو فايده رحت لبيت اهلي علمت بنت خالتي بلي صار من باب احنا بنات ونفهم بعض وكنت واثقه فيها راضاني ورجعت اسبوع يصير اروع رجل وبعدها يرجع مثل اول.. تحملت لسانه القذر البخل اللي كنت عايشه فيه عدم احترامه لاهلي
وصرت اشوف الرجال كل ماله يتغير كل ماله يزيد صار يعرف عني شغلات مدري من وين يعرفه صرت اسأل اهلي هم قايلين عني شي شكيت
المشاكل بينا كثرت بخلال 5 شهور كرهت شي اسمه رجل وزواج رحت لبيت اهلي طالبه الطلاق ولو شنو مارجع في وقتها اكتشفت انه بنت خالتي تكلمه وتقوله عني كل شي وشنو اسوي وشنو مااسوي شوهت صورة امي عنده بشكل مو طبيعي ظلمتني انا وامي ظلم مو طبيعي وهو يصدقها ع كل كلمه تقولها له
حسيت نفسي في حلم مو علم تعبت دشيت المستشفى مو عشانه لا والله صدمتي في بنت خالتي وطعنتها في ظهري هذا اللي ذبحني....
مرت سنه لا شفتها ولا كلمتها وهي درت انه انا دريت بمكالماتها له واختفت والمصيبه انها متزوجه وعندها طفلين
وبعد السنه تقابلنا وفتحت هي الموضوع عطيتها كل اللي بداخلي وطلبت منها تتبتعد عن حياتي وما بينا الا السلام فقط
والحين لي 3 سنين معلقه ماتطلقت والسبه هي حطت في راسه افكااار و اوهام
وما اقول الا حسبي الله ونعمى الوكيل ع كل ظالم


صج لأقارب عقااااارب

حبيت اقولكم قصتي عشااان ماتثقون بحد لو كان من ماكان

ولكم مني كل الشكر والتقدير
وادعولي

يابعد عمري ماتستاهلين اللي صارلج والله
حسبي الله ونعم الوكيل فيهم
هذي خيره لج اكيد

الله يأخذ لج حقج منهم ... ,, ويوفقج ويرزقج بحسن منه ,,,

يابعد عمري وربي ماتستاهلين الي يسير لك حسبي الله ونعم الوكيل فيهم بس اسمحيلي على لقافتي انتي ليش ماتسوين خلع وتخلعين نفسك منه تدفعين المهر وتتطلقين وخليه يولي وبنت خالك والله لو مكانك حتا السلام ماسلم عليها وربي حرام فيها السلام الله لايبارك فيها حتى العدو مايسوي سواتها والله يعينك

حسبي الله ونعم الوكيل فيهم

ولاتنسين ربج اللي خلقج مااااااااااااينسااااااااااج

عليج بالصبر والدعاء ولاتنسين ان الله اذا احب عبد ابتلاه فعليج بالصبر


ويمكن الله حااااااطلج نصيب احسن منه

عسى الله يوووووفقج ويرزقج باحسن منه

يا بعد عمري والله ما تستاهلين وترى صدقيني هذا عبره لج عشان ما تثقين باحد الا لامج او اختج وغيرهم صدقيني مالهم امان
وعسى الله يحنن قلب زوجج عليج وترجعوون وتصيرون احسن من قبل
وتقبلي مروري

بـــــعد عمر والله
فـــــــــــديــــــتكم
ابي دعاءكم لي ان الله يفرجلي منه عاجلآ غير أجلآ
تحياتي لكم