اليوم جايبتلكم قصة حقيقية ........واتمنى انها تعجبكم
(قصة سارة اللي عاشت ومشت ورى السراب اقرووووووووهاااا واتمنى انها تعجبكم ....وتراها قصة حقيقيه)
سارة كل صبح تروووح المدرسه طبعاا كانت من سنتين اما الحين بالمعهد المهم لما تروح المدرسه الصبح اول ما تطلع من بيتهم تشوف ولد الجار غنام وكانت تكرها شتسوي المحبة من الله هههههههع....وحتى اهو يروح المدرسه ومدرسة سارة يم مدرسة ولد جيرانهم وبعدين مرت الايام وفجأة سارة اسمعت انه ولد جيرانهم الصغير اسمه عبدالرحمن اخو اللي تكرها بالمستشفى ودقت سارة على تلفون امه علشان تطمن على عبدالرحمن :
ساره:الوو
غنام:هلا
سارة:السلام عليكم
غنام:وعليكم السلام.
ساره:وين امك
غنام:مو موجوده.ومنو معاي؟
سارة: انا ساره بنت جيرانكم.
غنام: هلا والله
سارة:هلا فيك شلون اخوك طمني عليه
غنام:بخير الله يسلمج
سارة:سلملي على امك
غنام:انشالله يوصل
سارة:مع السلامه
غنام:مع السلامه...........
وبعدين سكرت ورحت اقعد مع اهلي وسولفت معاهم ونسيت مكالمتي مع غنام كاني ما كلمته.. ولما جت الساعه 11 بالليل انا كنت ادرس كان علي امتحان رياضيات وفجأه دق علي رقم غريب ورديت:
سارة:الو
غنام:هلا
سارة:هلا غنام
غنام: هلا فيج
ساره:اهلييين
غنام:سارة بقولج شي انا بكلمج والله ياسارة ما راح اتخلى عنج وابيج زواج
سارة:شنو غنام احنا جيران
غنام:شنو يعني عادي
سارة: اخاف تصير مشاكل مع اهلنا اذا دروا
غنام :محد راح يعرف.......سارة انتي فكري ورديلي خبر اذا تبيني اكلمج ولا لا والله ما راح ازعل
سارة:انشالله
غنام:اوكي اخليج تفكرين باي
سارة:باي
........واول ما سديت التلفوون وانا افكر في كلامه وكان اهو اول شخص بحياتي وماكنت ادري ان الشباب يخدعون في كلامهم المهم فكرت ودزيتله مسج وقلت خلاص انا ابي اكلمك
وبعدها قام دق علي ويكلمني بس ما احس انه يبيني بس كنت ساكته وما بينت اني زعلانه
وكان يدق علي بالليل وكنت اسولف معاه واضحك معاه........بس دخلني في مواضيع انا ما احبه ولا راح اتقبلها يوم من الايام كل ما يقولي كلمه اقول ياليت الارض تنشق وتبلعني بس ولا يقولي هالكلام واذا قالي احبج استحي بشكل مو طبيعي لي درجة اني اسكت وما اتكلم اما انا كنت مستحيل اقوله احبك
شسوي والله استحي المهم ا صارلنا مع بعض شهر وفجأه اهو نام بالديوانيه ونسى تلفونه جان يجي اخوه الصغير واخذ تلفون عشان يبي يسمع نغمات وراح عطاها امه عشان تحطله نغمات ولما شفت المسجات طبعا مسجات حب وغزل اكيد راح تحط بباله من وحده راحت واخذت رقمي ودقت علي من تلفووووووونها:
ام غنام:الو
ساره:هلا خالتي
ام غنام:منو سااااااااااااااره؟؟؟
ساره: أي شفيج
ام غنام:سارة شنو المسجات اللي دازتها لولدي انتي ما تستحين
سارة:أي مسجات
ام غنام:المسجات اللي تدزينهم احبك الحين اوديهم عند ابوووج
سارة:لااااا خالتي ماله داعي تودينه لابوي خلاص اوعدج ما راح ادز
ام غنام:جب راح اوديهم لابوج غنام حبيبي اهو جاني وقالي يمه ساره تدزلي مسجات فكيني منها
سارة: لا خلاص
ام غنام:الحين انا جايه عندكم يلا
سارة: الوو الووو
........خلووني افهمكم الموضوع طبعا انا قلت اخوه اخذ تلفون وامه شافت المسجات طبعا امه تبيني اكره غنام عشان جذي قالت حبيبي غنام قالي انج تدزين له مسجات وطبعا من سدت الخط على طول راحت عند غنام وقالت ليش تكلم سارة وزفته وطبعا قالت له ساره قالت فكيني من ولدج يعني الام تبي تكرهنا بعض راح غنام طلع من بيتهم وراح الجاخور يقعد فيه اما انا على طووول رحت صارحت امي وقلت لها على السالفه وراحت امي عند ام غنام وكانت معصبه وتقط خيط وخيط وامي ساكته وتحاول تسكر الموضوع.................ز
وبعدين مر يومين ما شفت رقمه ولا دزلي مسج ولا شي وانا قاعده على اعصابي وحطيت ببالي صح كلام امه يعني اهو اللي علم امه بعلاقتنا وبعدين اقول لا ما اتوقع هالشي
وفجأه ثالث يوم من السالفه دق علي رقم غريب ورديت ولما رديت قال اسف انا غلطان بس الصوت صوت غنام
وبعدين الظهر اول ما رديت من المدرسه تغديت وبحط راسي وانام جان يدق نفس الرقم اللي دق علي ورديت:
سارة:الو
غنام:الوو
سارة :منو؟
غنام: انا غنام غنام واكلمج من تلفون رفيجي..
سارة: غنام لا تدق علي مره ثانيه ومشكور سويتلي مشكله
غنام: سارة والله العظيم انا ما قلت لامي بس انا كنت نايم وتلفون اخذه اخوي وصار الي صار
سارة: يعني انت ما قلت لامك
غنام:لاا
سارة:وينك
غنام :بالجاخور
سارة:رايح الجاخور بالحر
غنام :أي تهاوشت مع امي وطلعت وجيت الجاخور
سارة : اهاا
غنام:سارة انا مالي شغل بكلام امي انا ابي اكلمج
سارة:لااااااا امك قالت لابوك
غنام :انتي مجنونه امي ما قالت لابوي ولو قالت لابوي جان صارت اعلوووم
سارة:اكييييييييييييد
غنام:اكيييدين
سارة:خلاص راح نستمر بس بشرط ؟؟؟؟؟؟؟؟؟؟؟؟؟؟؟؟؟
غنام: شنو؟
سارة: نبي نحط لنا كلمه عشان اعرف اذا انت دقيت علي
غنام: شلون؟؟
سارة: قبل لا تدق علي دزلي كلمة"كاي" عشان اعرف انت اللي داق علي
غنام: خلاص انشالله
سارة: اوكي
غنام: سارة تبيني اكتب اسمج على التراب واكتب احبج
سارة:أي
غنام:هاا كتبت....يلا الحين اخليج واشوي ادق علييييج باي
سارة: باي
وبعدها كلمته من شهر 9 لي شهر 12
والله اني اذكر اول يوم نفترق فيه كان تاريخ ميلادي 1/12
دزلي مسج وقال لي سارة انا ما ابي اكلمج لان احنا جيرااان ومع السلامه
والله يوم جاني المسج هذا والله راس افتر ومو مصدقه انا وغنام نفترق
لاني تعودت عليه جان اروح وادق عليه:
غنام :الو
سارة:شنو المسج اللي وصل لي
غنام : خلاص سارة احنا لازم نفترق احنا جيراان
سارة:غنام انا احبك انت حياتي امانه خلنا نستمر
غنام :سارة خلااص لا تدقييين باي
سارة : لا راح ادق
وبعدين دزيتله هذا الشعر:
ليه تبعد وانت قربك عيد ليه ترخصني وانا مغليك يا سمح الجناب
ليه تقسى وانت القسى عنك بعيد ليه فجاه تنسحب من دون شرط ولا جواب
وكنت معصبه حدي وصارلي اكثر من اسبوع ادزله مسجات وادق عليه لكن ما يرد علي وبعدين حسيت اني قاطه نفسي على واحد مايبيني................ز..وبعدين فكرت وقلت خلاص احنا افترقنا ومادقيت واقعدت ثلاث شهور وبعدها دق علي ورديت عادي ولا كانا صاير شي سلمت عليه وكلمته وبعدين قالي ساره خلاص ابرجعلج قلت اوكي (طبعا انا على نيتي طيبه ).........واستمرينا مع بعض ونضحك ونسينه شي اسمه افراااااااااااااااااق.... وبعدين قالي يبي يروح السعوديه عشان يدرس وراح السعوديه وادزله مسجات بس ما يرد عليه طبعا انا خفت عليه بس ما طنش رحت ودقيت مره ثانيه عليه ورد علي واحد من ربعه اسمه عبدالله:
سارة:الو
عبدالله:هلا
سارة: هذا تلفون غنام
عبدالله: أي ... منو؟
سارة: وين غنام؟؟؟؟
عبدالله: غنام تعبان ونايم بالمستشفى..
سارة:شنو؟؟ عطني اكلمه اهو شفيه
عبدالله: لا مايصير يتكلم بالتلفوون يلا باي
سارة:الووو لحظه
سد الخط وطبعا انا صدقت انه صج بالمستشفى وما كنت ادري اهو يبي يصرفني يعني ما يبي يكلمني وفجاه رجع الكويت واول ما رجع كلمني لي بالليل ولما سديت الخط عشان بنام جان يدق تلفوني من رقم سعودي.رديت على التلفون بس ياليتني ما رديت هذي وحده اسمها ريم دازها غنام علي عشان يبيني ابتعد عنه وما ادق بس اللي اشووفه مو انا اللي ادق اهو اللي يدق علي بين فتره وفتره المهم رديت :
سارة:الو
ريم: انتي ساره
سارة:انتي منو؟
ريم : اقولج انتي سارة
سارة: أي شتبين
ريم: اسمعي بقولج كلمه واسكر (انتي تعرفين واحد اسمه غنام وياليت توخرين عنه وترا غنام اهو اللي دازني عليج ويقول تكفين خليها توخر عني فهمتي..
سارة: شنو.... ههههههههههههههههههههه انتي منو؟
ريم: انا حبيبته واهو ملكي انا وتحلميني اذا تاخذينه مني..
سارة: شنو اصلا غنام ملكي انا مو ملكج
ريم : يلا بس وياويلج اذا دقيتي على غنام
المهم سدت الخط ورحت انا على طول ودقيت على غنام وقلت له الموضوع وسالفة ريم بس قالي لا تردين عليها وانا ما اعرفها واهي جذااااابه... قلت ياسلام شلون جذابه وتعرف عني كل شي وقالت وخري عن غنام المهم سديت الخط من غنام ونمت وفجاه دق غنام ورديت عليه:
غنام:الووو
سارة:هلاا
غنام: انا شابكج مع ريم
سارة: زين غنام قولها انتي منو ؟انت ما تعرفها صح؟؟
ريم : شنو ما يعرفني انا حبيبته صح يا غنااام انا حبيبتك وانت تحبني
غنام : خلاص ريم اسكتي
ريم: شنو اسكت قول انك ما تحب سارة عشان
غنام : سارة خلاص
سارة: شنو ؟؟
ريم : غنام قولها الحين قدامي قول سارة ما ابيج
غنام: أي سارة خلاص قلتها
سارة : لا ما قلتها قولها ابي اسمعهاا
ريم: صح كلام سارة يلا قولها خلنا نفتك منها
غنام: سارة انا ما ابيج
سارة: اوكي باي
والله احس صاكه فيني الدنيا وقلت هذا اكيييد حلم وقعدت ابجي ودشت علي اختي وقالت سارة شفييج قلت لها السالفه وقالت هذا غنام ما ينفعج وصج انه ما يستحي هذا بعد ولد جيرانه يسوي جذي شخلى للغريب قعدت اسبوعين وما طبت من جروح غنام وصج حقدت عليه وكرهته وبعد اسبوعين جان يدز لي مسج بس ما رديت عليه ودق علي وفهمني شنو قصته مع ريم وقالي سارة خلينا نرجع ورجعنا نستمر مع بعض وبعد فتره تقريبا قال لي غنام :
غنام: سارة
سارة: هلا
غنام: اذا تبينا نستمر مع بعض ابي اكلمج كلام حب يعني كلام الليل
سارة : لا غنام شنو هالكلام وانت تدري انا ما احب جذي
غنام : شنو خلاص اكلمج وكانج واحد من الربع
سارة : اوكي عادي
غنام: شنو سارة لا انا ابي اقولج كلام يعني شنو لابسه أي لون
سارة: غنااام بس اسكت شنو تقووول
غنام : اذا ما تبين خلاص نفترق احسن واروح اكلم غيرج واقولها هالكلام
سارة: اوك روح كلم غيري باي
غنام: باي
وبعد افترقنا "ادري مليتوااا بس شسوي هذا حظي"" هههههههههع.. والله احترت مع غنام وما ادري شسوي معااه وبعدين فكرت وقلت انه قاعد يتسلى وقلت اتركه احسن لي :
اه يالقهر لا جتني الطعنه من اللي كنت احسبه حبيب والف ااخ لانه ما طعني غير بيدين عطني!!!
بس قالولها البدو ما كل من يطعن عدو!!
وبعدها عشت حياتي عادي من غير غنام وبعد كم شهر دق علي غنام ورديت عليه وكاني ما اعرفه
سارة: الوو
غنام: السلام عليكم
سارة : وعليكم السلام
غنام: شخبارج
سارة: منو معاي؟
غنام: هههههههههههههههههههههههههه حلوه منو معاي
سارة: نعم شتبي
غنام ك سلامتج ما ابي شي بس انا مو نفسج انسى احبابي انا داق علشان بس اسلم
سارة: اهاا
غنام : شوفي سبحان الله انا طلعت ابي اختج بس غلطت لما كلمتج
سارة: اوك الحين اخليها تكلمك
غنام: ههههههههههههه سارة امانه ضبطيلي اختج وانا اضبطلج اخوي
سارة: ليش شايفني بنت شوارع اضبط
غنام: هههههههههههههه باي
سارة: باي
ما كلمته لاني جد كرهته ومع الايام نسيته بس صار بينا مسجات بس كان ودي اسمع صوته وحييييييييييل اشتقت اسمع صوووته قلت احسن شي ادق عليه من الخدمه واسمع صوته وماراح يطلع رقمي عتده لانه من الخدمه المهم دقيت وسمعت صووته واستانس عليه اذا عصب وكان يقولي اذا فيكم خير ردواا
وانا ماسكه ضحكتي كل يوم وكل حزه ادق عليه واحط له اغاني وقصايد صج وناااسه وكان يدق علي ويقولي سارة في ناس يدقون علي من الخدمه وانا اسوي نفسي ما ادري عن شي واوقوله لا ترد عليهم يقول سارة والله جننوني.. المهم دقيت عليه من الخدمه وحطيتله اغنية بس ما قدرت امسك ضحكتي وضحكت ومن الخرعه سديت الخط ودقيت مره ثانيه وحطيتله اغنيه عشان مابي يحس بشي جان يقول والله اني عرفتج من ضحكتج بس ما في امل نرجع لبعض هههههههههههه وقالي الحين راح يجيج مسج مني باي..................... جان انطر منه المسج وقلت يمكن مو انا يمكن وحده ثانيه بس طلع يعرف صوتي وحتى همسي ودزلي مسج يقول:
..يا قلب شلك في هوا بنت تبليك بحبهاا .......................... ياقلب خانت اهلها كيف تبغاها تصونك..
اااااااااااااااااااه من هالمسج واللي قاهرني انه يعرف اني مو مثل البنات اللي في باله ليش يدزلي رساله مثل هذي
المهم انا خفت منه ورحت قطيتها براس اختي وقلت لاختي اذا دق غنام قولي انج انتي اللي تدقين عليه المهم دق غنام وردت اختي وقال وين سارة عطيني سارة قالت لحظه انا اللي كنت ازعجك وكنت اسمعك اغاني قال لااا مو علي هالسوالف ليش شايفتني بنغالي قالت والله مو سارة ولا تقول لسارة والمهم راحت السالفة وعرف انها مني ونسينا هالسالفه ....................زز
وجا الربيع وكل الناس طالعين البر واحنا اخذنا اغراضنا ورحنا الجاخور وقعدنا وصج ونااااااااااااااااااااسه وبعدين كنت انا اتغدى وفجاه دق علي رقم غريب بس انا ما ارد على ارقام غريبه هذا طبعي شسوي المهم خليت اختي ترد على التلفون:
اختي : الو
غنام: قوه
اختي: منو؟
غنام: انا غنام وين سارة؟؟
اختي : سارة رايحه الجمعيه مع اعيال خالتي
غنام: اهاا اذا جت خليها تدق علي
اختي : اوكي باي
غنام : باي
واول ما سدت التلفون اختي جان يدزلها مسج يقول احبج والله لو تدرين انا ما احب غيرج وجان اسوي نفسي ما ادري ودزيتله منو تحب جان يقول احبج انتي والله وترى انا ما احب سارة والله وبعدها كرهت نفسي وقلت معقوووله طوله هالسنين انا كنت مخدوعه فيه صج حسااافه والمهم دزيتله مسج وقلت شتبي وتهاوشنا مثل كل مره وتركنا بعض بس دق علي من بعد فتره طويله وقال ابي اكلمج وابرجعلج بس انا رفضت وقلت ما ابي اكلمك والحين انا ما ابيك وقال راح ادق وكيفي قلت اوك ما راح ارد عليك دق وراح اطنش
جان يعصب ويقولي يلا باي وسد الخط وبعد عشر دقايق دق وقالي سارة قولي ما احبك وانا اوعدج ما راح ادق طبعا انا مستحيييييييييل اقوول هالكلام لاني امووووووووووووت فيه وقلت ما راح اقولك وانا ما ابيك وبعدهاا ما رجعنا بس كان اهو يدق علي ويكلمني بس انا اللي رافضه ارجعله واذا اهو متضايق اول وحده يدق عليها اهي انا وكنت ارد عليه واقووول نعم شتبي دزيتله مسج "رجاءا لا تدق مره ثانيه ولا تدز مسجاات" واهو يعصب على المسج هذا بس يدق علي وانا بعد ادزله مسج واذا قالي نعم خير انشالله دازتلي مسج اوقوله اسفه كنت غلطااانه ههههههههههههههههههههههههههههههههع بس اهو يعرفني اني مو غلطانه بالمسج وان المسج له اهو يالبى قلبه، المهم بعدين ما كلمنا بعض ولا مسجات وبعدين بعد 3 شهور دق علي ودزيتله مسج قلت نعم وقالي انا راح ادق عليج بين فتره وفتره وسد الخط ورحت انا دقيت عليه علشان اساله والله ما اتذكر شنو سؤالي بس سالته عن استاذ وبعدين سد الخط جان اروح وادق عليه مره ثانيه وكلمته وقلت انت وينك قالي ليش
قلت لازم ترجع البيت الحين الناس ليل وبعدين لازم تقوم مبجر وجان يضحك ويقول ليش كل هذا قلت كيفي اوامري وقالي سارة شفيج ترا بديت اشك قوليلي شفيج سامعه شي قلت لا بس امانه قبل الساعه 12 لا تطلع جان يضحك ويقول اذا انا اقعد من نومي هالحزه شلون ما اطلع قلت مو شغلي انا قلت وخلاص على طوول ما راح اخليك راح ادق واجيك انت وينك؟ وشتسوي جان يضحك ويقووول حاضر بس طلب مني انه يشوووفني (على فكره انا ما عمري طلعت معاه ولا كلمته وجه لوجه بس تلفووون).......... وقلت شلون تشوفني قال امانه خليني اشوفج بالمعهد ومعهدنا في قدامه مجمع وقلت اوكي باجر تعال المعهد قالي اكيييييييييد قلت انشالله وصار باجر وكل ما قرب موعد روحتي للمعهد احس قلبي يبي يوقف وودي ادزله مسج واقوله لا تجي بس قلت حرام كان مستانس وكان سهران بس علشان يشوفني ووصلت المعهد ودق علي وقالي هاا وينج قلت الحين اطلع وطلعت ورحت المجمع وبصراااااااااااااااحه احلى يوم مر بحياااتي كلها وشفته وكلمني ومسكت ايده :
غنام: واخيييييييييرا شفنا بعض بعد خمس سنين
سارة: ههههههههههههههههه أي والله واخيرا
غنام : ههههههههههههه ياحليلج يا سارة
سارة: ياحليلك انت والله جان اشوف غنام طلع من جيبه زقاير وولاعه غناام شنو هذا وقدامي بعد
غنام: ههههههههههههههههه شنو بدخن
سارة: زين عطني زقاير شوي
غنام : ليش تبين تقطينهم
سارة: لااا عطني بس
غنام: هااا اخذيهم
سارة : شاطر حبيبي ......جان اعطيهم حق واحد هندي بالمجمع هاك بابا اخذه حقك الهندي مشكوور ماما
غنام: شنو ليش تعطينه لهندي
سارة : اوص خلني افتش جيوبك يمكن عندك غيرهم
غنام : لااااااااااا ما تبين تعطينه ملابسي بعد
سارة: هههههههههههههههههههههههه يلا قط
غنام :وجع ههههههههههه أي صج اخذي صورتي
سارة : وانا بعد اخذ صورتي يلا بروح المعهد ما بقى شي على المحاضره
غنام : اوكي بس اليوم والله اني مستانس
سارة: حتى انا باي
غنام : باي
وصلني غنام لي باب المعهد وراح البيت ودق علي اول ما دخلت المعهد وصج كان منصدم ويقول سارة والله انا مو مصدق كانه حلم وقاعد اسال نفسي معقووله سارة اللي شفتهاا المهم وكلمنا بعض والصراحه انا تعلقت فيه واهو بعد تعلق فيني والله ما يفرق الا النوووم وصرنا كل يوم نشووف بعض ونضحك ونسووولف بس دق علي غنام وقالي سارة انا كل يوم افكر بسالفتنا وقلت شنو سالفتنا قال شلون انا اكلم بنت جيرانه واهلنا يعرفون اهلكم قلت غنام احنا من اول ما عرفنا بعض ما نفترق الا على هالسالفة خلاص سارة راح نفترق قلت اوكي بس امانه صورتي احرقهاا وانا راح اشق صورتك وسدينا الخط ودق علي يوم الثاني وقالي:
غنام الو
سارة: نعم
غنام: بقولج شي
سارة: شنو؟؟
غنام: ترى السالفة امس كلها جذب انا سويت جذي عشان بس اشوف غلاي وقيمتي
سارة : لا تجذب انت لما انا قلت لك خلاص ما راح ارد عليك لو شنو ولا راح تسمع صوتي بعد واصلا شنو راح تستفيد اذا افترقنا
غنام: والله ياسارة انها جذب بجذب
سارة: صج والله اني اسعد بنت
غنام : أي صج
سارة: اوكي ارد البيت وادق
غنام : اوك باي
وبعدها استمرينا مع بعض بس يا فرحه ما تمت والله اشك بغنااام انه صاحي وصج بين لي انه يتسلى تدروووووون ليش؟؟؟ لانه دزلي مسج وقال انه رفيجه توفى وانه تطوع والله اول ما قريت المسج ضحكت وقلت هذا وجها مو مال تطوع هههههههههع المهم دقيت عليه مره ومرتين وثلاث بس مارد علي وجهازه مغلق وسكت وطنشت وجان ادزله مسج وقلت انت مألف هالسالفه علشان نفترق وانك تصرفني بس عادي قولي وانا اوعدك ما ادق عليك جان يدق علي وقالي سارة والله اللي سويته علشانج وعشان اهلنا وباجر راح تعرفييين انه كلامي صح ضحكت وقلت غنام انت لو تبيني جان استمريت معاي وما عليك لو يجيك اكبر راس بس انت ما ودك تكلمني غنااام أي خلااص ما ودي واعتبريني اني حقييير ونصاب وجذابه وكل شي قلت اوك خلاص باي
لا تندم على من حبيته وخلاك ............. اندم على من حبك وخليته
بس والله لي الحين يدق علي ويقول داق اسلم لا اكثر ولا اقل وطبعا انا قلت ما ابي سلامك
01-24-2010, 10:30 PM
افراق بعد عشرة خمس سنين
العرض العادي
المواضيع المتشابهه