الجزء الثاني من قصة افراق بعد عشرة خمس سنين - كويتيات

قوه شلونكم شخباركم وهذي تكملت القصة ............................ واتمنى انها تعجبكم (انشالله راح اقولكم قصتي لي النهايه )

انا كنت داشه ايميلي عشان اسولف مع صديقااتي وفجاه شبك غنام بس ما اقدر اسلم عليه لان احنا مفترقين بس اهو سلم علي وقالي عندي لج مفاجاه بس استغربت شلون الحين مفترقين ياااربي شنو المفاجاه قلت احسن اسلم عليه وشوف شعنده وسلمت عليه بس اهوا قالي شلونج قلت تمام قال راح ابطل الكام بوريج مفاجاه قلت اوكي ولما بطل الكام اهو يدري انا احب اخوه حمودي صغير المهم شفت حمودي وبسته من ورى الشاشه وبعدين مثل كل مره انتهاااوش المهم لما خلصنا اهواش جان كل واحد منا يدعي على الثااني بس مو من قلبنا "الله لا يوفقج " وانا ارد عليه اقول امييين بس انت معاي الله لا يوفقك.............................

وبعدها اهو عصب وطلع من لايميل وبس من بعد سالفة الايميل ما ادري عنه يوم الثاني دقت علي رفيجتي تقول انه النتايج اطلعت بس انتي ياسارة مو ناجحه وطبعاا انا ادري لاني ما حليت عدل بالامتحااان وسالتها وقلت شنو راسبه ولا دور ثاني قالت لا دور ثاني ودزيت لغنام مسج وقلت له "استانس الحين من سبتك جبت دور ثاني بثلاث مواد" بس ما رد علي !!! بس صحيح افترقنا بس والله نحس احنا حيييل قريبين من بعض ، والحين قاعده انطر من غنام مسج او حتى اتصال وانا قاعده كنت اقول لاخوي الصغير:


علموووه اني شربت الحب من صافي ازلاله ...........وعلموووه اني نذرت العمر من اجله هدية
وعلمووه اني ابسهر الليل في رجا رن اتصاله........وعلمووه اني بحاجة ياهلا ويالله حيه


اهو يدري اني احبه واموووت فيه وانا ادري انه يحبني ، والله في وحده ما نعرفهاا تدق علي وعليه وتقولي وخري عن غنام وغنام ما يحبج تدرون ليش قالت جذي؟؟ لانها تبي تفرقنا وتخيلوا تدق على غنام وتقول والله افرقكم انت وسارة جان يرد عليها غنام ويقوول احنا محد يفرقنا الا المووت، الصرااااااااااااحة البنت انبعصت اووووووووووف مادق علي والله حطيت ببالي خلااااص هالمره جد افترقنا على قولت حامد زيد :

روحي وهالمره خلص لا تردين ....... واهي روحتن من دوون ردة



بسميه عشقن وانت مدري وش تسميه...ودخيل العيون اللي عليها الحلا جذاب
دخيل المكان اللي جمعنا وله واعجاب...اذا لي معزه طاري البعد لا تطريه
انا وانت غايب كن وسط العيون اتراب...تنام الخلايق ولا انا النوم مالي فيه
ذبحني غلاك اللي سرى مثل سم الداب..طفح بالعرووق وكل ما وافقه ينهيه
بقى قلبي اللي ماذبحته واهو منصاب...انا اعرف قلبي لي عشق ما رحم واليه
يجي كله من اقاه ويحب الاستغراب...وفى فيه ليتك اداريه
ترفق على قلبن تولع فيك ولا تاب...تعذب واذا نوى البعد ما يمديه
مصيبتك تدري بس ليه المفارق ليه..




ليتك تحن على اللي يودك ويبيك

(........احبـــــــــــــــــــــــــــك...)
ااااااااااااااااااااااااااااااااه مر علي اليوم وانا ما ادري عن الغالي ولاجاني منه خبر والصراحة نطرته اسبوع بس ما شفت منه شي لا دق ولا دز مسج والصراحة انا مليت والحين ثبتلي انه جاااهل ويتسلى عشان جذي انا راح انهي قصتنا وخلاص ما راح اردله انا بطريق واهوا بطريق......................... وهذا اخر قصيدة اكتبها لنهاية قصتنا.......

اسفه انا في جيتي لك تسرعت.... ظنيت القى فيك شين فقدته
كنت احسبك مجروح مثلي تولعت... جربت فرقا شخص قلبك وهبته
كنت احسبك مر جرحك تجرعت....حبيت فيك احساس طفل لمحته
لو قلت اه بوسط روحي توجعت... ولو شفت دمعتك شعوري سكبته
لو تطلب عيوني ابد ما تمنعت... واعطيك قلبي لو بعد ما طلبته
ارجوك من صدك تراني تشبعت... خلك مع اللي عاجبك او عجبته
ياليت عن حب اللي مثلك ترفعت... ياليت قلبي قبل اعرفك دفنته
لكن اببعد دامني بك توهقت..... الله يرحم حبنا اللي ذبحته
كمل حياتك مثل ما انا توقعت.... تبقى اسير الماضي اللي فرضته
غلطان يالمقفي انا ماتتبعت..... غيري يتابع خطوتي ما تبعته
اللي ملا قلبك علي وتسمعت... خله يعوض شخص مثلي خسرته
وان شفتني صدفه بعينك تطلعت... ذكرتني بانسان غالي فقدته
باول لقى سلمته احساسي وضعت... غلطة حياتي يوم قلبي سلبته
واستسمحك بالبعد كاني تراجعت... ما عاد بلقى فيك شين فقدته
طبعك مثل غيرك وطبعي كما كنت... احب شخص ولا تركته




(عاشر من تعاشر وحب من تحب فلا بد من الفرااااااااااق)




حبيبة غنام


القلب يجبرني عليك انت بالذات....
ولا العرب واجد وغيرك مزايين....
ارجوك كلمني من الروح بسكات....
كلمة غلا تجمع قلوب المحبين.......

اتمنى انها تعجبكم القصة وابي رايكم بالقصة
وانطروا جديدي
تقبلوا مروري

هلا وغلا
حبيبتي اسمحيلي اقولج انه هذا مو حب الحب عمره ماكان جذيه ولا بيكون
انتي يمكن حبيت اعجابه فيج او يمكن اول شاب يدخل بحياتج او يمكن و يمكن بس والله انصحج لله غنام انسان لعاب
حبي نفسج ومستقبلج ثم الشاب اللي يستاهلج ويحبج من قلب مو معج ومع اختج وغيرج

حياتي لاتزعلين من كلامي بس انا اقولج اللي فهمته من القصه
تقبلي مروري
وتحياتي لج

هلا فرح ومرح صح كلامج حتى انا حسيت انه يلعب والله يجزاج خير على نصيحتج
وتقبلي مروري

حيااتي انتي ما قلتي شي يزعل وبيض الله وجهج وتسلمين يالغاليه على النصيحة

اللــــه يوفقج بحسن منه ويحقق امنياااتج

هلا فرح ومرح عفيه خلي البنات اللي معنا بالمنتدى يقرون قصتي وابي رايهم اذا ما عليج امر
تقبلي تحيااااتي

هلا ا ا ا حيـــاتي
اكيد البنات قروه بس ما اضافو اي رد وماقدر اخليهم يضيفون اية ردود يعني كل وحده حره
وبعدين العضوه هيبة ملكه *مرح* اضافة دعوه حلو لج
وانا اظافة ردووود مو عاجبينج حنا
والله كان ودي اساعدج بس مو بيدي تقبلي تحياتي لج