ابي شوركم بهالعريس شسوي؟؟؟؟؟؟؟؟ - كويتيات

السلام عليكم ورحمة الله وبركاته
خواتي الغاليات عساكم باحسن حال
عاد انا عنواني واضح اللي ابيه بموضوعي
وهو اني ابي رايكم بسالفة شخص خطبني طيب وكل شي زين فيه على ذمة اللي سالناهم
بس مشكلته منفصل عن زوجته ومو مطلقين عشان عيالهم
وعشان زوجته بمثل مايقول بالكويت لو طلقها تاخذ البيت ومادري شنو بعد
انا ماافهم بهالسوالف شنو ممكن يصير
علما باني موعايشه بالكويت ابد
ولا اعرف النظام شلون لو انفصل الرجل عن زوجته
وغير هالامر بعد زوجته راضيه وتقول تزوج انت اخر همي
لو كنتوا بوضعي تقبلون ولالا
وغير هالكلام بعد تصدقين سالفة ان زوجته لو طلقها تاخذ كل حلاله حسب قانون الكويت
علما باني والعياذ بالله اني اشترط على رجل يطلق زوجته بس مجرد سؤال لاني ابي اعرف اهو صادق ولا كاذب
وشكرا لكم

يا قلبي انا اول مرة اسمع ان الرجال اذا طلق مرته تاخذ حلاله وبيته ...........يمكن اهوو معطيها توكيل على حلاله
والله يكتب اللي فيه الخيير
حددي رايج واستخيري واللي الله كاتبه بيصير

الله يوفقج

بعد عمري الغاليه مشكوره على ردك

بعد عمري اختي كويتيه منسيه
بالعكس اسعدنس مرورك وردك ورايك
وحبيت صراحتك فديتك

مرحبا حياتي
انا مو سامعه غير اللي قالته كويتيه ماكو شي اسمه تاخذ كل حلاله
وبعدين ليش تاخذين واحد متزوج وعنده مرة وعيال
باجر راح تتعبين من طلباتهم ومشاكلهم وما راح تكونين عرووسة مثل الباجي
ما ادري انا هذا رايي واستخييري وفكري واهم شي تكوونين مقتنعه مو بس زواج ويالله
حياتي اعذريني على صراحتي بس لازم تفكرين بكلامي

حبيباتي كل ارائكم تسعدني لاننا هنيه نستفيد من بعض ونتبادل النصائح الصادقه
ولانكذب على بعض
وماتزعجني صراحة اي وحده بالعكس فديتكم
بس انا باوضح لكم السالفه
اللي خطبني زوجته ماما كلمتها وقامت قالتلها خله تزوج اخر همي
سالتها ماما انتي راضيه وكان ردها اخر همي
وهو طيب شاريني وله فتره متقدم ومايئس مني
عشان هالشي سالتكم والله يوفقكم على ردودكم جميع يالغاليات