ادعولي الله يعوضني بصديقة - كويتيات

السلام عليكم ورحمة الله وبركاته

بنات أنا عمري 31، وعندي 7 خوات بس للاسف مااحس انهم قريبين مني، أنا عزابية ، وامي متوفية الله يرحمها وماعندي قريبات بنات عم وخاله وجذي.

فهالضروف تخلي الوضع صعب شوي، أتمنى الله يرزقني بصديقة نكون مثل الخوات تساعدني وساعدها نطلع نستانس ويا بعض، نطلع طلعه وناسه مو طلعات حق قز ومغازل وغيره مااحب البنت العوبة، عرفت وايد بنات بس للاسف نوعيتهم احس يبون الطلعه بس حق الخرابيط مو بحسن نية، حلاته نستانس ونطلع بس بنية الوناسة وبدون قلة ادب ، ، احنا شماخذين من الدنيا !! ليش الناس جذي صايرين محد على قلب الثاني ومحد يحس بالثاني، والبنات صار همهم الشباب وبس.

ادعولي بنات الله يزقني بصديقة تكون لي مثل الاخخت ..

الله يرزقج يالصديقه الصالحه اللي يرتاح قلبج لهاا ويرزق كل المسلمين والله يرحم امج والله يخليج لخواتج بس عندي سؤال ؟؟ ليش ماتقربين من خواتج تقربي من خواتج احسن لج لان خواتج اذا تقربتي منهمم راح يسير قلبهاا ع قلبج ووالله يفقج ويرزقج :o
مع تحياتي :) ريما الحلوه

حياتي الله يرزقك الصديقه والاخت اللي قلبها ع قلبك
يآآآآرب

الله يرزقك بصاحبة تكون في كل خطوة معاك وما تفارقك ابد

أنا مستعده أكون صديقتج وأختج بالاسلام

الله يوفقج ياعمري ويرزقج ولد الحلال احسن من الرفيجة ولا ايش رايج ردي علي

كلنا خواتج و تشرفنا صداقتج
بس نصيحتي لج مو كل بنت تفتحين لها قلبج
و اخذي فتره اعرفي طبعها معدنها مو على وجهج
موفقه خيتووو

والله أنا مثلج تقريباً بس أنا ماسمحت لنفسي أكون صداقات كأني خايفه من الناس على قولتهم الباب اللي يجي منه الريح سده واستريح

بعد قلبي بنات مشكورين على ردودكم الحلوة


ريما الحلوة :

والله عدل كلامج ومافي شي بالدنيا احلا من الخوات لي صارو على قلب واحد، بس مو كل شي نتمناه نقدر نحققه، جذي وايد احسن علاقه سطحيه.



zeze1234:

فديتج اتشرف بمعرفتج وهذي الساعه المباركه .



al-shoog:

ههههههههههه فديتج والله صاجة ودي بالاثنين.

الله يرزقك باللي تتمنين